Vishnu Sahasranamam Malayalam PDF

This article provide information bout Vishnu Sahasranamam Malayalam PDF. The meaning of Vishnu Sahasranamam  is a Sanskrit term meaning “thousand names of  lord vishnu”.

Main Contents:

Vishnu Sahasranamam Malayalam

Sahasranamam Malayalam

We are providing Vishnu Sahasranamam Lyrics in Malayalam

ഓം ശുക്ലാംബരധരം വിഷ്ണും ശശിവര്ണം ചതുര്ഭുജമ് |
പ്രസന്നവദനം ധ്യായേത് സര്വവിഘ്നോപശാംതയേ ||

യസ്യദ്വിരദവക്ത്രാദ്യാഃ പാരിഷദ്യാഃ പരഃ ശതമ് |
വിഘ്നം നിഘ്നംതി സതതം വിശ്വക്സേനം തമാശ്രയേ ||

വ്യാസം വസിഷ്ഠ നപ്താരം ശക്തേഃ പൌത്രമകല്മഷം |
പരാശരാത്മജം വംദേ ശുകതാതം തപോനിധിം ||

വ്യാസായ വിഷ്ണു രൂപായ വ്യാസരൂപായ വിഷ്ണവേ |
നമോ വൈ ബ്രഹ്മനിധയേ വാസിഷ്ഠായ നമോ നമഃ ||

അവികാരായ ശുദ്ധായ നിത്യായ പരമാത്മനേ |
സദൈക രൂപ രൂപായ വിഷ്ണവേ സര്വജിഷ്ണവേ || 

യസ്യ സ്മരണമാത്രേണ ജന്മസംസാരബംധനാത് |
വിമുച്യതേ നമസ്തസ്മൈ വിഷ്ണവേ പ്രഭവിഷ്ണവേ || 

ഓം നമോ വിഷ്ണവേ പ്രഭവിഷ്ണവേ |

 

ധ്യാനമ്

ക്ഷീരോധന്വത്പ്രദേശേ ശുചിമണിവിലസത്സൈകതേമൌക്തികാനാം
മാലാക്ലുപ്താസനസ്ഥഃ സ്ഫടികമണിനിഭൈര്മൌക്തികൈര്മംഡിതാംഗഃ |
ശുഭ്രൈരഭ്രൈരദഭ്രൈരുപരിവിരചിതൈര്മുക്തപീയൂഷ വര്ഷൈഃ
ആനംദീ നഃ പുനീയാദരിനലിനഗദാ ശംഖപാണിര്മുകുംദഃ || 

ഭൂഃ പാദൌ യസ്യ നാഭിര്വിയദസുരനിലശ്ചംദ്ര സൂര്യൌ ച നേത്രേ
കര്ണാവാശാഃ ശിരോദ്യൌര്മുഖമപി ദഹനോ യസ്യ വാസ്തേയമബ്ധിഃ |
അംതഃസ്ഥം യസ്യ വിശ്വം സുര നരഖഗഗോഭോഗിഗംധര്വദൈത്യൈഃ
ചിത്രം രം രമ്യതേ തം ത്രിഭുവന വപുശം വിഷ്ണുമീശം നമാമി || 

ഓം നമോ ഭഗവതേ വാസുദേവായ !

ശാംതാകാരം ഭുജഗശയനം പദ്മനാഭം സുരേശം
വിശ്വാധാരം ഗഗനസദൃശം മേഘവര്ണം ശുഭാംഗമ് |
ലക്ഷ്മീകാംതം കമലനയനം യോഗിഭിര്ധ്യാനഗമ്യമ്
വംദേ വിഷ്ണും ഭവഭയഹരം സര്വലോകൈകനാഥമ് || 

മേഘശ്യാമം പീതകൌശേയവാസം
ശ്രീവത്സാകം കൌസ്തുഭോദ്ഭാസിതാംഗമ് |
പുണ്യോപേതം പുംഡരീകായതാക്ഷം
വിഷ്ണും വംദേ സര്വലോകൈകനാഥമ് || 

നമഃ സമസ്ത ഭൂതാനാം ആദി ഭൂതായ ഭൂഭൃതേ |
അനേകരൂപ രൂപായ വിഷ്ണവേ പ്രഭവിഷ്ണവേ || 

സശംഖചക്രം സകിരീടകുംഡലം
സപീതവസ്ത്രം സരസീരുഹേക്ഷണം |
സഹാര വക്ഷഃസ്ഥല ശോഭി കൌസ്തുഭം
നമാമി വിഷ്ണും ശിരസാ ചതുര്ഭുജമ് | 

ഛായായാം പാരിജാതസ്യ ഹേമസിംഹാസനോപരി
ആസീനമംബുദശ്യാമമായതാക്ഷമലംകൃതമ് || 

ചംദ്രാനനം ചതുര്ബാഹും ശ്രീവത്സാംകിത വക്ഷസമ്
രുക്മിണീ സത്യഭാമാഭ്യാം സഹിതം കൃഷ്ണമാശ്രയേ || 

സ്തോത്രമ്

ഹരിഃ ഓമ്

വിശ്വം വിഷ്ണുര്വഷട്കാരോ ഭൂതഭവ്യഭവത്പ്രഭുഃ |
ഭൂതകൃദ്ഭൂതഭൃദ്ഭാവോ ഭൂതാത്മാ ഭൂതഭാവനഃ || 1 ||

പൂതാത്മാ പരമാത്മാ ച മുക്താനാം പരമാഗതിഃ |
അവ്യയഃ പുരുഷഃ സാക്ഷീ ക്ഷേത്രജ്ഞോഽക്ഷര ഏവ ച || 2 ||

യോഗോ യോഗവിദാം നേതാ പ്രധാന പുരുഷേശ്വരഃ |
നാരസിംഹവപുഃ ശ്രീമാന് കേശവഃ പുരുഷോത്തമഃ || 3 ||

സര്വഃ ശര്വഃ ശിവഃ സ്ഥാണുര്ഭൂതാദിര്നിധിരവ്യയഃ |
സംഭവോ ഭാവനോ ഭര്താ പ്രഭവഃ പ്രഭുരീശ്വരഃ || 4 ||

സ്വയംഭൂഃ ശംഭുരാദിത്യഃ പുഷ്കരാക്ഷോ മഹാസ്വനഃ |
അനാദിനിധനോ ധാതാ വിധാതാ ധാതുരുത്തമഃ || 5 ||

അപ്രമേയോ ഹൃഷീകേശഃ പദ്മനാഭോഽമരപ്രഭുഃ |
വിശ്വകര്മാ മനുസ്ത്വഷ്ടാ സ്ഥവിഷ്ഠഃ സ്ഥവിരോ ധ്രുവഃ || 6 ||

അഗ്രാഹ്യഃ ശാശ്വതോ കൃഷ്ണോ ലോഹിതാക്ഷഃ പ്രതര്ദനഃ |
പ്രഭൂതസ്ത്രികകുബ്ധാമ പവിത്രം മംഗളം പരമ് || 7 ||

ഈശാനഃ പ്രാണദഃ പ്രാണോ ജ്യേഷ്ഠഃ ശ്രേഷ്ഠഃ പ്രജാപതിഃ |
ഹിരണ്യഗര്ഭോ ഭൂഗര്ഭോ മാധവോ മധുസൂദനഃ || 8 ||

ഈശ്വരോ വിക്രമീധന്വീ മേധാവീ വിക്രമഃ ക്രമഃ |
അനുത്തമോ ദുരാധര്ഷഃ കൃതജ്ഞഃ കൃതിരാത്മവാന്|| 9 ||

സുരേശഃ ശരണം ശര്മ വിശ്വരേതാഃ പ്രജാഭവഃ |
അഹസ്സംവത്സരോ വ്യാളഃ പ്രത്യയഃ സര്വദര്ശനഃ || 10 ||

അജസ്സര്വേശ്വരഃ സിദ്ധഃ സിദ്ധിഃ സര്വാദിരച്യുതഃ |
വൃഷാകപിരമേയാത്മാ സര്വയോഗവിനിസ്സൃതഃ || 11 ||

വസുര്വസുമനാഃ സത്യഃ സമാത്മാ സമ്മിതസ്സമഃ |
അമോഘഃ പുംഡരീകാക്ഷോ വൃഷകര്മാ വൃഷാകൃതിഃ || 12 ||

രുദ്രോ ബഹുശിരാ ബഭ്രുര്വിശ്വയോനിഃ ശുചിശ്രവാഃ |
അമൃതഃ ശാശ്വതസ്ഥാണുര്വരാരോഹോ മഹാതപാഃ || 13 ||

സര്വഗഃ സര്വ വിദ്ഭാനുര്വിഷ്വക്സേനോ ജനാര്ദനഃ |
വേദോ വേദവിദവ്യംഗോ വേദാംഗോ വേദവിത്കവിഃ || 14 ||

ലോകാധ്യക്ഷഃ സുരാധ്യക്ഷോ ധര്മാധ്യക്ഷഃ കൃതാകൃതഃ |
ചതുരാത്മാ ചതുര്വ്യൂഹശ്ചതുര്ദംഷ്ട്രശ്ചതുര്ഭുജഃ || 15 ||

ഭ്രാജിഷ്ണുര്ഭോജനം ഭോക്താ സഹിഷ്നുര്ജഗദാദിജഃ |
അനഘോ വിജയോ ജേതാ വിശ്വയോനിഃ പുനര്വസുഃ || 16 ||

ഉപേംദ്രോ വാമനഃ പ്രാംശുരമോഘഃ ശുചിരൂര്ജിതഃ |
അതീംദ്രഃ സംഗ്രഹഃ സര്ഗോ ധൃതാത്മാ നിയമോ യമഃ || 17 ||

വേദ്യോ വൈദ്യഃ സദായോഗീ വീരഹാ മാധവോ മധുഃ |
അതീംദ്രിയോ മഹാമായോ മഹോത്സാഹോ മഹാബലഃ || 18 ||

മഹാബുദ്ധിര്മഹാവീര്യോ മഹാശക്തിര്മഹാദ്യുതിഃ |
അനിര്ദേശ്യവപുഃ ശ്രീമാനമേയാത്മാ മഹാദ്രിധൃക് || 19 ||

മഹേശ്വാസോ മഹീഭര്താ ശ്രീനിവാസഃ സതാംഗതിഃ |
അനിരുദ്ധഃ സുരാനംദോ ഗോവിംദോ ഗോവിദാം പതിഃ || 20 ||

മരീചിര്ദമനോ ഹംസഃ സുപര്ണോ ഭുജഗോത്തമഃ |
ഹിരണ്യനാഭഃ സുതപാഃ പദ്മനാഭഃ പ്രജാപതിഃ || 21 ||

അമൃത്യുഃ സര്വദൃക് സിംഹഃ സംധാതാ സംധിമാന് സ്ഥിരഃ |
അജോ ദുര്മര്ഷണഃ ശാസ്താ വിശ്രുതാത്മാ സുരാരിഹാ || 22 ||

ഗുരുര്ഗുരുതമോ ധാമ സത്യഃ സത്യപരാക്രമഃ |
നിമിഷോഽനിമിഷഃ സ്രഗ്വീ വാചസ്പതിരുദാരധീഃ || 23 ||

അഗ്രണീഗ്രാമണീഃ ശ്രീമാന് ന്യായോ നേതാ സമീരണഃ
സഹസ്രമൂര്ധാ വിശ്വാത്മാ സഹസ്രാക്ഷഃ സഹസ്രപാത് || 24 ||

ആവര്തനോ നിവൃത്താത്മാ സംവൃതഃ സംപ്രമര്ദനഃ |
അഹഃ സംവര്തകോ വഹ്നിരനിലോ ധരണീധരഃ || 25 ||

സുപ്രസാദഃ പ്രസന്നാത്മാ വിശ്വധൃഗ്വിശ്വഭുഗ്വിഭുഃ |
സത്കര്താ സത്കൃതഃ സാധുര്ജഹ്നുര്നാരായണോ നരഃ || 26 ||

അസംഖ്യേയോഽപ്രമേയാത്മാ വിശിഷ്ടഃ ശിഷ്ടകൃച്ഛുചിഃ |
സിദ്ധാര്ഥഃ സിദ്ധസംകല്പഃ സിദ്ധിദഃ സിദ്ധി സാധനഃ || 27 ||

വൃഷാഹീ വൃഷഭോ വിഷ്ണുര്വൃഷപര്വാ വൃഷോദരഃ |
വര്ധനോ വര്ധമാനശ്ച വിവിക്തഃ ശ്രുതിസാഗരഃ || 28 ||

സുഭുജോ ദുര്ധരോ വാഗ്മീ മഹേംദ്രോ വസുദോ വസുഃ |
നൈകരൂപോ ബൃഹദ്രൂപഃ ശിപിവിഷ്ടഃ പ്രകാശനഃ || 29 ||

ഓജസ്തേജോദ്യുതിധരഃ പ്രകാശാത്മാ പ്രതാപനഃ |
ഋദ്ദഃ സ്പഷ്ടാക്ഷരോ മംത്രശ്ചംദ്രാംശുര്ഭാസ്കരദ്യുതിഃ || 30 ||

അമൃതാംശൂദ്ഭവോ ഭാനുഃ ശശബിംദുഃ സുരേശ്വരഃ |
ഔഷധം ജഗതഃ സേതുഃ സത്യധര്മപരാക്രമഃ || 31 ||

ഭൂതഭവ്യഭവന്നാഥഃ പവനഃ പാവനോഽനലഃ |
കാമഹാ കാമകൃത്കാംതഃ കാമഃ കാമപ്രദഃ പ്രഭുഃ || 32 ||

യുഗാദി കൃദ്യുഗാവര്തോ നൈകമായോ മഹാശനഃ |
അദൃശ്യോ വ്യക്തരൂപശ്ച സഹസ്രജിദനംതജിത് || 33 ||

ഇഷ്ടോഽവിശിഷ്ടഃ ശിഷ്ടേഷ്ടഃ ശിഖംഡീ നഹുഷോ വൃഷഃ |
ക്രോധഹാ ക്രോധകൃത്കര്താ വിശ്വബാഹുര്മഹീധരഃ || 34 ||

അച്യുതഃ പ്രഥിതഃ പ്രാണഃ പ്രാണദോ വാസവാനുജഃ |
അപാംനിധിരധിഷ്ഠാനമപ്രമത്തഃ പ്രതിഷ്ഠിതഃ || 35 ||

സ്കംദഃ സ്കംദധരോ ധുര്യോ വരദോ വായുവാഹനഃ |
വാസുദേവോ ബൃഹദ്ഭാനുരാദിദേവഃ പുരംധരഃ || 36 ||

അശോകസ്താരണസ്താരഃ ശൂരഃ ശൌരിര്ജനേശ്വരഃ |
അനുകൂലഃ ശതാവര്തഃ പദ്മീ പദ്മനിഭേക്ഷണഃ || 37 ||

പദ്മനാഭോഽരവിംദാക്ഷഃ പദ്മഗര്ഭഃ ശരീരഭൃത് |
മഹര്ധിരൃദ്ധോ വൃദ്ധാത്മാ മഹാക്ഷോ ഗരുഡധ്വജഃ || 38 ||

അതുലഃ ശരഭോ ഭീമഃ സമയജ്ഞോ ഹവിര്ഹരിഃ |
സര്വലക്ഷണലക്ഷണ്യോ ലക്ഷ്മീവാന് സമിതിംജയഃ || 39 ||

വിക്ഷരോ രോഹിതോ മാര്ഗോ ഹേതുര്ദാമോദരഃ സഹഃ |
മഹീധരോ മഹാഭാഗോ വേഗവാനമിതാശനഃ || 40 ||

ഉദ്ഭവഃ, ക്ഷോഭണോ ദേവഃ ശ്രീഗര്ഭഃ പരമേശ്വരഃ |
കരണം കാരണം കര്താ വികര്താ ഗഹനോ ഗുഹഃ || 41 ||

വ്യവസായോ വ്യവസ്ഥാനഃ സംസ്ഥാനഃ സ്ഥാനദോ ധ്രുവഃ |
പരര്ധിഃ പരമസ്പഷ്ടഃ തുഷ്ടഃ പുഷ്ടഃ ശുഭേക്ഷണഃ || 42 ||

രാമോ വിരാമോ വിരജോ മാര്ഗോനേയോ നയോഽനയഃ |
വീരഃ ശക്തിമതാം ശ്രേഷ്ഠോ ധര്മോധര്മ വിദുത്തമഃ || 43 ||

വൈകുംഠഃ പുരുഷഃ പ്രാണഃ പ്രാണദഃ പ്രണവഃ പൃഥുഃ |
ഹിരണ്യഗര്ഭഃ ശത്രുഘ്നോ വ്യാപ്തോ വായുരധോക്ഷജഃ || 44 ||

ഋതുഃ സുദര്ശനഃ കാലഃ പരമേഷ്ഠീ പരിഗ്രഹഃ |
ഉഗ്രഃ സംവത്സരോ ദക്ഷോ വിശ്രാമോ വിശ്വദക്ഷിണഃ || 45 ||

വിസ്താരഃ സ്ഥാവര സ്ഥാണുഃ പ്രമാണം ബീജമവ്യയം |
അര്ഥോഽനര്ഥോ മഹാകോശോ മഹാഭോഗോ മഹാധനഃ || 46 ||

അനിര്വിണ്ണഃ സ്ഥവിഷ്ഠോ ഭൂദ്ധര്മയൂപോ മഹാമഖഃ |
നക്ഷത്രനേമിര്നക്ഷത്രീ ക്ഷമഃ, ക്ഷാമഃ സമീഹനഃ || 47 ||

യജ്ഞ ഇജ്യോ മഹേജ്യശ്ച ക്രതുഃ സത്രം സതാംഗതിഃ |
സര്വദര്ശീ വിമുക്താത്മാ സര്വജ്ഞോ ജ്ഞാനമുത്തമം || 48 ||

സുവ്രതഃ സുമുഖഃ സൂക്ഷ്മഃ സുഘോഷഃ സുഖദഃ സുഹൃത് |
മനോഹരോ ജിതക്രോധോ വീര ബാഹുര്വിദാരണഃ || 49 ||

സ്വാപനഃ സ്വവശോ വ്യാപീ നൈകാത്മാ നൈകകര്മകൃത്| |
വത്സരോ വത്സലോ വത്സീ രത്നഗര്ഭോ ധനേശ്വരഃ || 50 ||

ധര്മഗുബ്ധര്മകൃദ്ധര്മീ സദസത്ക്ഷരമക്ഷരമ്||
അവിജ്ഞാതാ സഹസ്ത്രാംശുര്വിധാതാ കൃതലക്ഷണഃ || 51 ||

ഗഭസ്തിനേമിഃ സത്ത്വസ്ഥഃ സിംഹോ ഭൂത മഹേശ്വരഃ |
ആദിദേവോ മഹാദേവോ ദേവേശോ ദേവഭൃദ്ഗുരുഃ || 52 ||

ഉത്തരോ ഗോപതിര്ഗോപ്താ ജ്ഞാനഗമ്യഃ പുരാതനഃ |
ശരീര ഭൂതഭൃദ് ഭോക്താ കപീംദ്രോ ഭൂരിദക്ഷിണഃ || 53 ||

സോമപോഽമൃതപഃ സോമഃ പുരുജിത് പുരുസത്തമഃ |
വിനയോ ജയഃ സത്യസംധോ ദാശാര്ഹഃ സാത്വതാം പതിഃ || 54 ||

ജീവോ വിനയിതാ സാക്ഷീ മുകുംദോഽമിത വിക്രമഃ |
അംഭോനിധിരനംതാത്മാ മഹോദധി ശയോംതകഃ || 55 ||

അജോ മഹാര്ഹഃ സ്വാഭാവ്യോ ജിതാമിത്രഃ പ്രമോദനഃ |
ആനംദോഽനംദനോനംദഃ സത്യധര്മാ ത്രിവിക്രമഃ || 56 ||

മഹര്ഷിഃ കപിലാചാര്യഃ കൃതജ്ഞോ മേദിനീപതിഃ |
ത്രിപദസ്ത്രിദശാധ്യക്ഷോ മഹാശൃംഗഃ കൃതാംതകൃത് || 57 ||

മഹാവരാഹോ ഗോവിംദഃ സുഷേണഃ കനകാംഗദീ |
ഗുഹ്യോ ഗഭീരോ ഗഹനോ ഗുപ്തശ്ചക്ര ഗദാധരഃ || 58 ||

വേധാഃ സ്വാംഗോഽജിതഃ കൃഷ്ണോ ദൃഢഃ സംകര്ഷണോഽച്യുതഃ |
വരുണോ വാരുണോ വൃക്ഷഃ പുഷ്കരാക്ഷോ മഹാമനാഃ || 59 ||

ഭഗവാന് ഭഗഹാഽഽനംദീ വനമാലീ ഹലായുധഃ |
ആദിത്യോ ജ്യോതിരാദിത്യഃ സഹിഷ്ണുര്ഗതിസത്തമഃ || 60 ||

സുധന്വാ ഖംഡപരശുര്ദാരുണോ ദ്രവിണപ്രദഃ |
ദിവഃസ്പൃക് സര്വദൃഗ്വ്യാസോ വാചസ്പതിരയോനിജഃ || 61 ||

ത്രിസാമാ സാമഗഃ സാമ നിര്വാണം ഭേഷജം ഭിഷക് |
സന്യാസകൃച്ഛമഃ ശാംതോ നിഷ്ഠാ ശാംതിഃ പരായണമ്| 62 ||

ശുഭാംഗഃ ശാംതിദഃ സ്രഷ്ടാ കുമുദഃ കുവലേശയഃ |
ഗോഹിതോ ഗോപതിര്ഗോപ്താ വൃഷഭാക്ഷോ വൃഷപ്രിയഃ || 63 ||

അനിവര്തീ നിവൃത്താത്മാ സംക്ഷേപ്താ ക്ഷേമകൃച്ഛിവഃ |
ശ്രീവത്സവക്ഷാഃ ശ്രീവാസഃ ശ്രീപതിഃ ശ്രീമതാംവരഃ || 64 ||

ശ്രീദഃ ശ്രീശഃ ശ്രീനിവാസഃ ശ്രീനിധിഃ ശ്രീവിഭാവനഃ |
ശ്രീധരഃ ശ്രീകരഃ ശ്രേയഃ ശ്രീമാംല്ലോകത്രയാശ്രയഃ || 65 ||

സ്വക്ഷഃ സ്വംഗഃ ശതാനംദോ നംദിര്ജ്യോതിര്ഗണേശ്വരഃ |
വിജിതാത്മാഽവിധേയാത്മാ സത്കീര്തിച്ഛിന്നസംശയഃ || 66 ||

ഉദീര്ണഃ സര്വതശ്ചക്ഷുരനീശഃ ശാശ്വതസ്ഥിരഃ |
ഭൂശയോ ഭൂഷണോ ഭൂതിര്വിശോകഃ ശോകനാശനഃ || 67 ||

അര്ചിഷ്മാനര്ചിതഃ കുംഭോ വിശുദ്ധാത്മാ വിശോധനഃ |
അനിരുദ്ധോഽപ്രതിരഥഃ പ്രദ്യുമ്നോഽമിതവിക്രമഃ || 68 ||

കാലനേമിനിഹാ വീരഃ ശൌരിഃ ശൂരജനേശ്വരഃ |
ത്രിലോകാത്മാ ത്രിലോകേശഃ കേശവഃ കേശിഹാ ഹരിഃ || 69 ||

കാമദേവഃ കാമപാലഃ കാമീ കാംതഃ കൃതാഗമഃ |
അനിര്ദേശ്യവപുര്വിഷ്ണുര്വീരോഽനംതോ ധനംജയഃ || 70 ||

ബ്രഹ്മണ്യോ ബ്രഹ്മകൃദ് ബ്രഹ്മാ ബ്രഹ്മ ബ്രഹ്മവിവര്ധനഃ |
ബ്രഹ്മവിദ് ബ്രാഹ്മണോ ബ്രഹ്മീ ബ്രഹ്മജ്ഞോ ബ്രാഹ്മണപ്രിയഃ || 71 ||

മഹാക്രമോ മഹാകര്മാ മഹാതേജാ മഹോരഗഃ |
മഹാക്രതുര്മഹായജ്വാ മഹായജ്ഞോ മഹാഹവിഃ || 72 ||

സ്തവ്യഃ സ്തവപ്രിയഃ സ്തോത്രം സ്തുതിഃ സ്തോതാ രണപ്രിയഃ |
പൂര്ണഃ പൂരയിതാ പുണ്യഃ പുണ്യകീര്തിരനാമയഃ || 73 ||

മനോജവസ്തീര്ഥകരോ വസുരേതാ വസുപ്രദഃ |
വസുപ്രദോ വാസുദേവോ വസുര്വസുമനാ ഹവിഃ || 74 ||

സദ്ഗതിഃ സത്കൃതിഃ സത്താ സദ്ഭൂതിഃ സത്പരായണഃ |
ശൂരസേനോ യദുശ്രേഷ്ഠഃ സന്നിവാസഃ സുയാമുനഃ || 75 ||

ഭൂതാവാസോ വാസുദേവഃ സര്വാസുനിലയോഽനലഃ |
ദര്പഹാ ദര്പദോ ദൃപ്തോ ദുര്ധരോഽഥാപരാജിതഃ || 76 ||

വിശ്വമൂര്തിര്മഹാമൂര്തിര്ദീപ്തമൂര്തിരമൂര്തിമാന് |
അനേകമൂര്തിരവ്യക്തഃ ശതമൂര്തിഃ ശതാനനഃ || 77 ||

ഏകോ നൈകഃ സവഃ കഃ കിം യത്തത് പദമനുത്തമം |
ലോകബംധുര്ലോകനാഥോ മാധവോ ഭക്തവത്സലഃ || 78 ||

സുവര്ണവര്ണോ ഹേമാംഗോ വരാംഗശ്ചംദനാംഗദീ |
വീരഹാ വിഷമഃ ശൂന്യോ ഘൃതാശീരചലശ്ചലഃ || 79 ||

അമാനീ മാനദോ മാന്യോ ലോകസ്വാമീ ത്രിലോകധൃക് |
സുമേധാ മേധജോ ധന്യഃ സത്യമേധാ ധരാധരഃ || 80 ||

തേജോഽവൃഷോ ദ്യുതിധരഃ സര്വശസ്ത്രഭൃതാംവരഃ |
പ്രഗ്രഹോ നിഗ്രഹോ വ്യഗ്രോ നൈകശൃംഗോ ഗദാഗ്രജഃ || 81 ||

ചതുര്മൂര്തി ശ്ചതുര്ബാഹു ശ്ചതുര്വ്യൂഹ ശ്ചതുര്ഗതിഃ |
ചതുരാത്മാ ചതുര്ഭാവശ്ചതുര്വേദവിദേകപാത് || 82 ||

സമാവര്തോഽനിവൃത്താത്മാ ദുര്ജയോ ദുരതിക്രമഃ |
ദുര്ലഭോ ദുര്ഗമോ ദുര്ഗോ ദുരാവാസോ ദുരാരിഹാ || 83 ||

ശുഭാംഗോ ലോകസാരംഗഃ സുതംതുസ്തംതുവര്ധനഃ |
ഇംദ്രകര്മാ മഹാകര്മാ കൃതകര്മാ കൃതാഗമഃ || 84 ||

ഉദ്ഭവഃ സുംദരഃ സുംദോ രത്നനാഭഃ സുലോചനഃ |
അര്കോ വാജസനഃ ശൃംഗീ ജയംതഃ സര്വവിജ്ജയീ || 85 ||

സുവര്ണബിംദുരക്ഷോഭ്യഃ സര്വവാഗീശ്വരേശ്വരഃ |
മഹാഹൃദോ മഹാഗര്തോ മഹാഭൂതോ മഹാനിധിഃ || 86 ||

കുമുദഃ കുംദരഃ കുംദഃ പര്ജന്യഃ പാവനോഽനിലഃ |
അമൃതാശോഽമൃതവപുഃ സര്വജ്ഞഃ സര്വതോമുഖഃ || 87 ||

സുലഭഃ സുവ്രതഃ സിദ്ധഃ ശത്രുജിച്ഛത്രുതാപനഃ |
ന്യഗ്രോധോഽദുംബരോഽശ്വത്ഥശ്ചാണൂരാംധ്ര നിഷൂദനഃ || 88 ||

സഹസ്രാര്ചിഃ സപ്തജിഹ്വഃ സപ്തൈധാഃ സപ്തവാഹനഃ |
അമൂര്തിരനഘോഽചിംത്യോ ഭയകൃദ്ഭയനാശനഃ || 89 ||

അണുര്ബൃഹത്കൃശഃ സ്ഥൂലോ ഗുണഭൃന്നിര്ഗുണോ മഹാന് |
അധൃതഃ സ്വധൃതഃ സ്വാസ്യഃ പ്രാഗ്വംശോ വംശവര്ധനഃ || 90 ||

ഭാരഭൃത് കഥിതോ യോഗീ യോഗീശഃ സര്വകാമദഃ |
ആശ്രമഃ ശ്രമണഃ, ക്ഷാമഃ സുപര്ണോ വായുവാഹനഃ || 91 ||

ധനുര്ധരോ ധനുര്വേദോ ദംഡോ ദമയിതാ ദമഃ |
അപരാജിതഃ സര്വസഹോ നിയംതാഽനിയമോഽയമഃ || 92 ||

സത്ത്വവാന് സാത്ത്വികഃ സത്യഃ സത്യധര്മപരായണഃ |
അഭിപ്രായഃ പ്രിയാര്ഹോഽര്ഹഃ പ്രിയകൃത് പ്രീതിവര്ധനഃ || 93 ||

വിഹായസഗതിര്ജ്യോതിഃ സുരുചിര്ഹുതഭുഗ്വിഭുഃ |
രവിര്വിരോചനഃ സൂര്യഃ സവിതാ രവിലോചനഃ || 94 ||

അനംതോ ഹുതഭുഗ്ഭോക്താ സുഖദോ നൈകജോഽഗ്രജഃ |
അനിര്വിണ്ണഃ സദാമര്ഷീ ലോകധിഷ്ഠാനമദ്ഭുതഃ || 95 ||

സനാത്സനാതനതമഃ കപിലഃ കപിരവ്യയഃ |
സ്വസ്തിദഃ സ്വസ്തികൃത്സ്വസ്തിഃ സ്വസ്തിഭുക് സ്വസ്തിദക്ഷിണഃ || 96 ||

അരൌദ്രഃ കുംഡലീ ചക്രീ വിക്രമ്യൂര്ജിതശാസനഃ |
ശബ്ദാതിഗഃ ശബ്ദസഹഃ ശിശിരഃ ശര്വരീകരഃ || 97 ||

അക്രൂരഃ പേശലോ ദക്ഷോ ദക്ഷിണഃ, ക്ഷമിണാംവരഃ |
വിദ്വത്തമോ വീതഭയഃ പുണ്യശ്രവണകീര്തനഃ || 98 ||

ഉത്താരണോ ദുഷ്കൃതിഹാ പുണ്യോ ദുഃസ്വപ്നനാശനഃ |
വീരഹാ രക്ഷണഃ സംതോ ജീവനഃ പര്യവസ്ഥിതഃ || 99 ||

അനംതരൂപോഽനംത ശ്രീര്ജിതമന്യുര്ഭയാപഹഃ |
ചതുരശ്രോ ഗഭീരാത്മാ വിദിശോ വ്യാദിശോ ദിശഃ || 100 ||

അനാദിര്ഭൂര്ഭുവോ ലക്ഷ്മീഃ സുവീരോ രുചിരാംഗദഃ |
ജനനോ ജനജന്മാദിര്ഭീമോ ഭീമപരാക്രമഃ || 101 ||

ആധാരനിലയോഽധാതാ പുഷ്പഹാസഃ പ്രജാഗരഃ |
ഊര്ധ്വഗഃ സത്പഥാചാരഃ പ്രാണദഃ പ്രണവഃ പണഃ || 102 ||

പ്രമാണം പ്രാണനിലയഃ പ്രാണഭൃത് പ്രാണജീവനഃ |
തത്ത്വം തത്ത്വവിദേകാത്മാ ജന്മമൃത്യുജരാതിഗഃ || 103 ||

ഭൂര്ഭുവഃ സ്വസ്തരുസ്താരഃ സവിതാ പ്രപിതാമഹഃ |
യജ്ഞോ യജ്ഞപതിര്യജ്വാ യജ്ഞാംഗോ യജ്ഞവാഹനഃ || 104 ||

യജ്ഞഭൃദ് യജ്ഞകൃദ് യജ്ഞീ യജ്ഞഭുക് യജ്ഞസാധനഃ |
യജ്ഞാംതകൃദ് യജ്ഞഗുഹ്യമന്നമന്നാദ ഏവ ച || 105 ||

ആത്മയോനിഃ സ്വയംജാതോ വൈഖാനഃ സാമഗായനഃ |
ദേവകീനംദനഃ സ്രഷ്ടാ ക്ഷിതീശഃ പാപനാശനഃ || 106 ||

ശംഖഭൃന്നംദകീ ചക്രീ ശാരംഗധന്വാ ഗദാധരഃ |
രഥാംഗപാണിരക്ഷോഭ്യഃ സര്വപ്രഹരണായുധഃ || 107 ||

ശ്രീ സര്വപ്രഹരണായുധ ഓം നമ ഇതി |

വനമാലീ ഗദീ ശാരംഗീ ശംഖീ ചക്രീ ച നംദകീ |
ശ്രീമാന്നാരായണോ വിഷ്ണുര്വാസുദേവോഽഭിരക്ഷതു || 108 ||

ശ്രീ വാസുദേവോഽഭിരക്ഷതു ഓം നമ ഇതി |

Vishnu Sahasranamam Lyrics in Malayalam

Vishnu Sahasranamam Lyrics in Malayalam PDF

For PDF free download go through link Vishnu Sahasranamam Malayalam PDF

Vishnu Sahasranamam Malayalam PDF
Vishnu Sahasranamam Malayalam PDF

Leave a Reply

Your email address will not be published. Required fields are marked *

Scroll to top